واخيرااااا....خلص جمعاوى امتحانات التيرم الاول....
راجع طبعا هو وزيكو صديقه الصدوق وطول الطريق هاتك ياضحك وهزار
جمعاوى : الا بحقه ياد يازيكو ناوى تعمل ايه فى الاجازه دى
زيكو : اجازة ايه يا عم دول كلهم اسبوعين عمى لاراحم ولا جم
جمعاوى : يوه ! .... مش احسن من مافيش...احمد ربك ومتتبترش ع النعمه
زيكو : يا عمنا خلاص...الف حمد والف شكر ليك يارب.....ارتاحت يا برنس
جمعاوى : لا بجد بقى ....ناوى تعمل ايه
زيكو : مممم والله ماعارف....عادى يعنى هخرج اكيد .... و....بس :)
جمعاوى : حلو بس هتخرج فين يعنى
زيكو : اههه ايه يا جيمو انت اشتغلت صحفي ولا ايه.... عادى ياعم اى جونينه اى نادى اى ملهى اى كافيه اى سفريه لذيذه ومشي حالك
جمعاوى : اه بمناسبة السفر...متيجى نروح معرض الكتاب
زيكو : ايه معرض الكتاب ده
جمعاوى : ياد المعرض اللى بيعملوه ف القاهره بتاع الكتب ده...فيه كتب كتير اوى من كل مكان ف الدنيا
زيكو : حلو....بس على اساس ان احنا بنقرأ اصلا....ماتخلى الطابق مستور
جمعاوى : عادى يمكن يعجبنا كتاب ولا حاجه واهو نجرب
زيكو : ماشي نجرب نو بروبليم
جمعاوى : طب ما تخليك جدع وتعزمنا كده على كانز فيروز عشان بيبسي مقاطعه
زيكو : كانز حته واحده....طب قول ازازه ....شفطه.....
جمعاوى : يا ساتر يارب مانا لسه عازمك على كانز الاجازه اللى فاتت.....لو كنت ناسي افكرك
زيكو (بعد 5 دقايق ذهول): نهارك مــــ.....م الاجازه اللى فاتت لحد دلوقتى كل يوم تقولى فاكر الكانز بتاع الاجازه....ياعم دا انا لو هعد بقى اللى جبتهولك هتفتحلى سوبر ماركت
جمعاوى : هههه خلاص يا عم انت كنت مستنى كلمه ولا ايه .... ماسوره وانفجرت.....خلاص يا عم ادينى عملت باصلى ووصلتك بيتك ....يللا بقى سلملى على طنط
زيكو : ماشي يا كابتن ماانت بيتك ادامنا برضه عادى يعنى .....يللا اشوفك قريب
جمعاوى : ان شاء الله ....ومتنساش موضوع المعرض وحاول تحطه في دماغك خليها تبقى اجازه مفيده مره ف حياتنا
زيكو : اوكيه.....سي يو
وانتهى لقاء زيكو وجمعاوى بعد مااتفقوا يستغلوا اجازتهم في حاجه مفيده بدل النوم والفراغ......نبقى نيجى كمان كام يوم نشوفهم جابوا ايه م المعرض وعملوا ايه هناك
سلاااااااااام
0 قالوا رائيهم:
إرسال تعليق