قالت د.م. من كلية الآداب :
........دخلت الكليه عندى حب استطلاع وعايزه اشوف الجامعه دى شكلها عامل ازاى ....وكنت مبهوره بالجو ده....لانه مختلف تماما عن فتره الثانوى.....احساس غريب عايزه اجرب فيه كل حاجه ومصدقت اتفكيت من كبت الثانويه العامة والدروس الخصوصيه والقلق
ولاحظت حاجتين مختلفتين اوى هناك.......ان الجو في الجامعه مفتوح اوى والبنات عادى مع الولاد عايشين حياتهم ع الاخر ...... تقولوا مصدقوا لقوا جو الجامعه مساعد....وعروض الازياء يوميه على اعلى مستوى ....بنات وولاد آخر موضه جايين ديفيليه ...اغانى وديجيهات وكافيهات جوه الجامعه عامله شغل نار هناك
وعلى النقيض بقى تلاقي شباب قاعدين يوزعوا ورق اذكار وحاجات دينيه وكده......ومهتمين بكل حاجه بتحصل في البلد ...مظاهرات ومسيرات اصلاحيه وبيدخلولنا المدرجات يكلونا في الدين وكده.....تحسي انهم مش جايين يلعبوا
والا بقي الدكاتره..........برضه تلاقي الطيبين اللى بيحبوا يساعدوا الطلبه........وتانيين بيبقوا عايزين ياكلوهم......كان بينهم وبين الطلبه تار
عالم جديد ومختلف فعلا.....بس لذيذ.....تحسي انه الحريه فيه مساحتها اوسع.....وليكى الفرصه تروحى وتتفسحى فيها.....آه والله...احيانا باعتبرها انا واصحابي مكان للفسحه...نروح الصبح نفطر من الكافيتيريا مع بعض ونقعد نتكلم ونهزر......ايام لذيذه والله
انتظرونا وطالب او طالبه جداد وحوار جمعاوى مختلف
0 قالوا رائيهم:
إرسال تعليق